Пачалося наступленне на паўночным Каўказе! Занята некалькі гарадоў, у тым ліку — Алагір. Значыцца, i на Каўказе нашы войскі пайшлі наперад. Гэта асабліва радуе.

Вельмі дарэчы мне цяпер карта, якую я доўга вазіў у рэчмяшку.

Вялікую радасць адчуваю, схіляючыся над ёй, адзначаючы новыя i повыя кропкі — наш шлях на захад!

Сэрца маё ў такія хвіліны ляціць у халодныя, снежныя палі, дзе ідуць мае таварышы, дзе павінен быў бы быць i я. Нялёгка там, ведаю, але сэрца радуецца: ідзём наперад!

На сярэднім Доне наступленне працягваецца.